فنان الشعب... سيد درويش
فنان الشعب / سيد درويش
ألقيت فى احياء ذكراه
بالهيئة العامة لدار الكتب بقاعة الموسيقى كورنيش النيل الخميس ٢٨ مارس ٢٠١٩
للشاعر مصطفى فريد
فى ذكراك ياحبيب الشعب
يا أبو قلب زى الماس
جينا بكل الحب
من طايفة الأجناس
لمهرجان الأمل
بيشدنا الإحساس
يا عاشق لصوت الوتر
حب الوطن إحساس
عديت بحور الألم
معشوق قلوب الناس
استاذ فى علم النغم
مابين صوابعه الوتر
عاصر نغم ينباس
ولاجل خاطرك أنا
جاى لك بكل حماس
من طنطا بلد الدفا
وقلمى زى الفاس
خضر غيطان الشراقى
طرحت غنا للناس
يمين برب عظيم
عشنا لغناك دراويش
كان حلم عمرك سنين
حق الوطن دا أساس
يزعق بعفقة نغم
تكشف قوام اللئيم
مع نغمة تبرق أمل
تحكى العمل نبراس
تصحى صوت الضمير
ونغمة تعيد المظالم
تحرق قلوب كل ظالم
تبقى زغروده ليتيم
نغمة نبله ٠٠
تبقى قبله ٠٠
تبقى ساحة للصلاه
نغمة حربة فى قلب فاسد
نغمه زى السيف محاربة
مرة غاضبه ٠٠٠
تانيه راضيه ٠٠٠
عمرها مابتبقى فاضيه
نغمه تبنى الصرح عالى
تبقى حصوة فى عين حسود
ترسم الضحكة الهنية
والسعادة على الخدود
تبدر الاخلاص يجود
من حروف عشقك ورود
تفرش دروب الحكمة بكره
تتفتح طاقات النور
نغنيها فى هوى المحبوب
نصدق وعدنا المكتوب
بصدق النيه والاخلاص
مع الفطنة ٠٠
مع الحكمة ٠٠٠
مع الكلمة ٠٠٠
إللى قتلت فتنة الحية
إللى بالعه الناس
يا سيدنا ٠٠٠
يا سيدنا يا أبو الدراويش
معاك بنعيش فى ألحانك
فى ذكراك ٠٠
جينا لصفوة اللمة
نعيد ذكراك مع صحبة
قلوبها نضيفة زى الماس
ورغم رحيل جمال فنك
لسه صوت غناك فينا
تاريخ وعلامه للأمة
وتاج ع الرأس
تعليقات
إرسال تعليق