موال النسناس،،، بقلم،،،،، مرقص اقلاديوس

موال النسناس
بقلم..مرقص إقلاديوس
.......
ليه الواحد أول ما بيفرح
بينسى ناسه.
وأول ما يحزن
أول من يجرى عليهم ناسه.
.....
نسناس ومراته خلفوا.
هيجيبوا إيه يعنى
ما لازم الصغير يطلع نسناس
عشان يبقى شبه ناسه.
.....
كبر النسناس
قال يلف الدنيا
يتفرج على العالم وناسه.
لف كتير
و بعدين ناس.   ولاد  ...حلال طبعا
قالوله
زى ما البر فيه ناسه،
البحر فيه ناسه.
إنت بس اشترى زعنفتين ونضارة
و انزل البحر اتفرج على ناسه.
....
النسناس ما كدبش خبر
غطس النسناس،
فطس النسناس.
....
الناس هما هماهم
ولاد.   ما قلنا قبل كدة
بقوا يخبطوا كف على كف
و يقولوا مجنون عبيط.
يستاهل اللى جراله.
عمرنا ما قرينا فى الكتب .
و لا سمعنا فى الحكايات.
إن نسناس اشتغل غطاس.
............
           ملاح بحور الحكمة..مرقص إقلاديوس
          يكتب لكم هذا التقرير من جنازة النسناس
           و اللى يخليك تجنن بأه أن تعلم أن المشيعين
           هما هماهم الناس اياهم.