مبدعينك مبتورين،،، بقلم،،، رمضان البربري

قصيدة...مبدعينك مبتورين...للشاعر رمضان البربري

اة يا بلد كل مبدعينك مبتورين
لحد سقف معين واقفين مكتوفين
في كل المجالات خليك مكانك
متتقدمش إنت من المطرودين

اة يا بلد عايزة فارس يشد اللجام
يفتح بيبان الأمل من وسط الزحام
يضرب بسوطة القوي ذل السنين
وياخد بإيدين شبابك بدون كلام

إنت تصنع وإنت تنتج هنا قدامي
متتغربشي بلدك محتاجة الأسامي
وانت تزرع وتقلع زي  زمان
منستوردش ونصدر الفايض كمان

أصنع لنفسك طاقات من نور
خد بأيدين الضعيف المكسور
شد عزمة وهمتة وهو يصول
وتلاقية سابق ومعدي ميت سور

أفتح بيبان الأمل لميت جيل
وكن لهم ألف ألف دليل
أبدر الخير في كل طريق
هتلاقية سابقك في عتمة ليل

أرجع ببلدك لسابق عهدها
وكن لها أنت وحدك وعدها
يقف الخواجة علي بابك مبهور
وهترفع ساعتها زراعك فين ندها

ومتستغربشي هي دى مصر وهتكون
هي عفيفة نبيلة فتية قد كل الكون
هي الموحدة المسلمة العزيزة
وهترفع رأسك وتشاور مين قدها