وانا معاكى،،، بقلم،،، أسامة فؤاد حنا

وانا معاكى كلمات اسامة فؤاد حنا
وانا معاكى ... قلبى زى الطير ... مليان حب وخير
وتايه ف بحر سماكى
.... الدنيا مش سيعانى ... والفرح عاد من تانى
وبانسى هجرك وجفاكى
...باعيش اجمل احساس ... وانسى كل الناس
انت جوايا وانا جواكى
..حاسس باجمل فرحة ... يا وردة جميلة طارحة
وتحلى الساعات وياكى
... باشوف احلى بسمة .. يا ارق نسمة
سبحان من سواكى
... كل الناس حسدانى ... يا عمرى ووجدانى
ما اروعك وما احلاكى
... بكل الحنين حسيت ... وكل البحار لفيت
وحطيت رحالى فى مرساكى
... يا اغلى من الروح ... بانسى كل الجروح
كل حياتى فداكى
... تمر احلى اللحظات ... وتقف كل الساعات
ولاخر عمرى استناكى                               كلمات اسامة فؤاد حنا