مشبك خشب،،، عبد الحليم الزلوعى
مشبك خشب
اغسل حروفك قبل ماتنشرها
فوق حبل الغسيل
وطفي خوفك ع الحروف دور
وشوف يمسكها مين
مين الامين علي الحروف مين اللي
يمنع اي خوف
وهاتلقي مين غير الامين ابن الاصول
ماها تلقي غير مشبك خشب
عايش مابينا من سنيين دايما امين
سبحانه ربي اللي وهب
بالشكل والمضمون يعيش هو الشريف
مضمون وزي جنيه دهب
لامره باع ولاعمره زاع سر الحروف
لو هو في عز الغضب
كبر وشاب ضهره انحني جابوه
رموه وسط الحطب
في النار بيصرخ والصدي كان السؤال
مين يا تري كان السبب
وشالنى من فوق حبل الغسيل رماني
اكون كتلة لهب
وانا اللي حافظ كل حرف في حتته
ومسطره جوه الكتب
سنين وعايش وسطكم ماسك وقابض
علي الحرف العنيد
في لحظه ممكن ينقلب وينتشر ويكون
مع الايام صديد
طيبت خاطره وبسأ له هي الحروف
ممكن تكون زي الصديد
ورد من جوه العدم واخطر كمان
ممكن مع الاهمال تزيد
ممكن تكون دمل كبير جوه النفوخ
لو مره صا ب ها تكون شريد
الدمع سال جوه السؤال وبحرقه قا ل
ده انا كنت من ايام سعيد
ممكن يكون ضهري انحني والشعرشا ب
والحزن بان قوي في الوريد
ممكن با كون با انسي كتير واسهى كتير
بس انا كنت الفريد
اللي ماسك في الحروف لتطير تسيب حبل الغسيل
تبقي المشاكل شيىء اكيد
كنتوا احفظوني في الدولاب وده مش كتير
ولا ارسموا طا بع بريد
مش النهايه اترمي جوه الدموع من غير وداع
وتصنعوا مشبك جديد
بكره في يوم راح تندموا وده مش بعيد
يبقي سؤالي الكون بحا له بيسأ له ويردده
ضيعتوا ليه مشبك خشب
ضيعتوا ليه مشبك خشب
تعليقات
إرسال تعليق