أم الشهيد،، بقلم،، ضاحي معلا

أم الشهيد(محكية)1
***
****
لحظة انتبه ... نجمة صبح
وخيوط شمس مجدله
عند الفجر ...  بعد المطر
عصفور يرقص حنجله
لاتضحكي لاتسألي
تبسمي لاتخجلي
رح قول كلمة بهالعمر
كل البشر بأجمل حلي
مابيشبهو أم الشهيد
أم البطل والمرجله

ولو يوم هبت عاصفة
وفجأة صغيرة خائفة
رح تسألك حب ودفى
والعين راحت راعفة
بدموع مليانه صدق
متل الزهور الواقفة

تعلم نصيحة بكلمتين
تذكر بلحظة خاطفة
ام الشهيد بعرس البطل
والناس حولا شايفة
بزلغوطة طلعت والصدى
هيدي حلول المسالة
هيدي حلول المسألة

رح تسألوني شو الخبر
صاير متل حب المطر
غرقتنا بساعة صفا
لاتعتبوا عندي نظر
بعرف أنا وأنتو بوفا
بأيات مابدها عبر
أم الشهيد نبضي أنا
ولساني عم يلهج عبر

حلفت بروح البطل
بجروح مع نزف الوريد
بدمعه على فراق الضنا
بنظرة حزينة بهالعيد
بغصة شموخ وكبريا
للوالد وحدو الوليد
رح انزف حروفي صلا
عنوانها أم الشهيد
رح أنزف حروفي صلا.... عنوانها أم الشهيد
****
الشاعر ضاحي معلا