خلاص.. بقلم.. شاهين سليمان
خلاص
نويت تتخلى عنى
ياترى ؟
مين فينا ع التاني أتغير
طب كنت أسألني
مش هتلاقي
غير قلب ف حبك متحير
كانت غيرتك بتجنني
و شكك أمره محيرني
و ألف حوالين نفسي
و بالساعات أكلمني
و أسألني
مين فينا أتغير ؟
و أخرج بره مني
و أرجع تاني و أسألني
ياترى كان بيلاعبني
و يزود شكه و غيرته
لحجة بيها يسيبني
مش قادر أصدق
أصل أنت مني
نسيج روحي و كل مبادئي
.. ما تقدرش تخونني ..
طب ليه بتتغير
كنت تبعد
أبقى على حبك وأصبر
تطول الغيبة
أحبك أكتر و اكتر
ياترى
مينا فينا
ع التاني حبه أستكتر
مين فينا
شاف نفسه
قصاد التاني صغير
مجرد سؤال مش أكتر !
#شاهين_سليمان
تعليقات
إرسال تعليق