في الدقة التالته، ، بقلم الشاعر يسري عثمان

في الدقه التالته
ف نبضات قلبي المحتاره
بالقي اماره
بتهز الروح
وبتيجي وتروح
النشوه النعسانه ساعتها
تصحيني م النوم
ف اناجي نفسي
الغرقانه مابتعرف عوم
وباقضي اليوم
بين اهه وكلمة اه يانا
قلبي المكلوم
خايف م اللوم
وحرير الشال المتعطر
بعودين ياسمين
طب اشكي لمين
لما بيطرف طرف خيوطه
رمشي المسكين
ف يصيبنى عيار
وتقيد النار
قلبى الجبارماخلاص سلم
مافيش اسرار
واللهفه تزيد
وكاني ف عيد
فتنادى الدقه المحتاره
ف قلبي المكلوم
نفسي اشوف نوم
او افوق م النشوه الغرقانه
او اعرف اعوم
واهى سته الصبح
قلبى مفنجل
وبيتحنجل
والدقه التالته بتجلجل
ماتخف قوام
داماكانش غرام
ولا كان احلام
ايوه حقيقه
وكل دقيقه
بتقيد لهاليب دا امرغريب
النار القايده ف ضلوعى
ييجى يوم وتطيب
يااهل الله حبيب
دوب قلبى
محتاج لطيب
يااهل الله حبيب
دوب قلبى محتاج لِطبيب