من سنين كتير،، بقلم الشاعر شاهين سليمان
من سنين كتير
فاتت .. سنه ورا سنه
.. كنت أنا ..
صرخه
خارجه من رحم أمى
من أكتر .. أكتر بكتير
كنت شايل رساله
على أيد منقوشه حنه
وصرختى
خارجه منى
لضيق الدنيا مش لهمى
.. سحبتنى الدايا ..
و زى كل عيال الدنيا
ضربتنى
مش هأقول فين ضربتنى
بس هأقول
: ياريتها ما سحبتنى
وسحبت بعدها أنا السنين
أسحبها ورايا وأجرى
وأقولها ورايا أجرى
أنا عايز أسبق سنى
و من يومها وهى بتجرى
وبقيت أقولها أستنى
.. ياريتك ياعمرى ..
ماسمعت منى
ليه ماقولت ده عيل
وسيبتك منى
ليه ف دى بس
أنت سامعنى
كنت سبنى
.. ليه تخدنى ..
ليه خدتنى
لحد ما أتبدلت اﻷمانى
وضاع التمنى
#شاهين_سليمان
تعليقات
إرسال تعليق