أنا قلبي بيك موجوع.. بقلم.. محمد صلاح حمزة
أنا قلبي بيك موجوع
وايه تعملي ..؟؟
يا دموع
وسكة العاشقين
طريق مفهش رجوع
فيها عليل القلب
واللي في هواه
إتألم ...
سهران وليلو طويل
والوجد في عينيه
إتكلم ...
بصوت أنين مسموع
وطعنة المحبوب
في القلب
بتعلم ...
وجرح الحبيب
ما يطيب
لو جابو الف طبيب
وأهة المشتاق ...
تهز سكون الليل
وحرقة الآه ...
هي العذاب والويل
وجمرها نار
قادت جوه الضلوع
سنين ومرت
والقلب بيك موجوع
وطول عمري أقول
وجع القلوب في الهوى قاسي
قاسي لكن مشروع
وكل الوجع منك
وإزاي تقول انساك وأبعد
في يوم عنك
و دلوقتي أنا خلاص
أنا دقت
طعم مراره ...
لا هروب ولا خلاص
من حرقته وناره ...
وكل الليالي مرت عليا
النوم هجرني و خاصم عينيا
والسهد والحرمان
قدر ومكتوب بقالو زمان
مكتوب عليا
لا قلبي يوم ارتاح
ولا يوم بتهدى جراح
وسنين بتجري
بتجري مني ...
لا رضيت بغيرك
ولا أنت راحمني ...
محمد صلاح حمزة
تعليقات
إرسال تعليق